هشتاد بيلميرم نئجه اولوب سوخولوب بيزيم سايلارين آراسينا، بير قاشقاي اوغلان وارايدي، او قدر گولردي بيزلرين بو هشتاد دئمه سينه!!!
من اؤزومده هشتاد دئمه يه آليشميشام، آنجاق نئچه زاماندير چاليشيرام اونون دوزگون آديني قوللانام
سكسن(SƏKSIN) يا دانيشيق ديلده سي سن(SƏYSƏN)
باهم سؤزو اينديلر چوخ دوشوب ديللره، ديققت يئتيرسز داها " بيرليخ دا " دئين يوخدو.
سيزجه بيرليخ دا دئسك داها گؤزل اولمازمي؟
البته يازي ديليينده "بيرليك ده "يازيريق
" تر " اكي( پسوندي) تورك جه سؤزلرين يانيندا گلنده، ائله بيل سؤزه كوردو تومان گئيديرميسن!!!
"راق" و "داها " اك لرين يئرلرينده ايشلتسك داها ياراشيقلي دانيشاريق
ياخجي دي داها تانيش اولاق
بو شلوار او بيريسيندن ياخجي تر دي---- بو شالوار او بيريسنيدن داها ياخجي دي
گلميشم سنينله مشورت ائله يم،
مشورت ائله مك يئرينه راحاتجا دئسن كي
گلميشم سنينله دانيشام، اؤزون ده راحات اولارسان، ويجدانيندا راحات اولار
دانيشماق ياني مشورت ائله مك
گئپ لشمك، يا قونوشماق سؤزلرينده صحبت كردن يئرينه ايشلتمك اولار
بيرده ياديمنان چيخدي دئيم كي
هئچ زامان قونشو كيمي گؤزل بير سؤزون يئرينه كي قونوشماق دان گلير، همسايه دئمه يك
قيز (QIZ) يئرينه گيز (GIZ) يازما
گؤزل(GÖZƏL) يئرينه قوزل ( QÖZƏL) يازما
قارداش ( QARDAŞ) يئرينه گارداش( GARDAŞ) يازما
سؤزون قيسسا سي بو كي:
ق و گ يازاندا ديققتلي اول
چونكو آداملاردا باخيرلار سنه، سندن اؤيرنيرلر. چوخ آداملار توركجه كيتاب اوخوماييبلار، اوخودوقلاري توركجه سؤزلر سنين يازديغين سؤزلرديلر
باخ هانسي دوزدو؟
نماز ناماز
ازان آزان
تورك ديلينين بير قايداسي وار اونا اينچه قالين قايداسي دئيرلر، و اودا بودو كي:
A-U-O-I قالين سس لرديلر و
Ə-E-İ-Ü-Ö اينچه سس لر ديلر
قالين سس لر و اينچه سس لر هئچ زامان بير بيرينه قاريشمازلار
بونا دئيرلر اينچه قالين قايداسي
بس ناماز دوزدو ( NAMAZ) و نماز يانليش دي( NƏMAZ) چونكوƏ و A بير سؤزده بير گله بيلمزلر